今日有個阿婆話想攞兩個尿樽，幫個歲幾嘅孫仔留尿做化驗。佢身邊有個細路跟住佢，不過係孫女嚟㗎啵！我哋叫佢要帶個孫仔上嚟，要掛號睇醫生。冇得就咁上嚟問人攞樽（唔使錢嘅咩個樽你估？ ！）你就咁隊個尿樽俾化驗所都冇人會理你。要醫生出Lab Form架。
佢e e or or 話佢知道係要睇醫生，但個女偏偏同佢講話唔使，就咁點佢過黎。佢話阿囡唔想叫醒個孫仔，所以唔帶佢過嚟睇醫生住。Fine。瞓覺緊要過醫病。
總之幾經辛苦，耍走左個阿婆。過多幾個鐘之後，阿媽終於死死地氣，帶個仔過嚟睇醫生。最頂癮嘅，其實阿媽係想驗大便。所以攞乜鬼尿樽姐？
咁點解阿媽咁想驗大便呢，原來呀仔成日都中沙門氏菌。之前已經試過留幾次醫院，種親大便都係沙門氏菌。呀媽唔使講都知好Doot。佢話諗黎諗去都唔明點解呀仔成日瀨嘢。我輕輕問會唔會係煮野唔乾淨，你煮野阿婆煮野或者印印工人姐姐煮野，啲雞呀蛋呀未熟就隊比個仔食？
阿媽好似從來冇諗過呢個可能性，突然間丁一聲咁。但係呀仔成日入院，嗰邊啲醫生冇理由冇問過佢potential source of infection嘅問題。所以我想像唔到呢個阿媽Doot嘅程度去到邊度。同埋其實呀仔中一次沙門氏菌都已經好驚架啦，點解你可以容忍佢中咁多次你都仲唔諗下點解佢會瀨嘢？
呀仔，你依家先至歲幾，我真係希望你能夠自求多福，身體健康，快高長大。
～～～
正！同事送嘅！又有新嘢試！不過今日唔記得咗飲！😭😭😭
Search